తనకి దేవుడు ఇచ్చిన బంగారు చెల్లెలు ఇక లేరు అని కృంగిపోయింది ఉదయభాను. రాజితమ్మ తనకి దేవుడిచ్చిన బంగారు చెల్లెలట. 24 ఏళ్లకే ఆమెకి నిండు నూరేళ్లు నిండిపోయాయని ఉదయభాను క్రుంగి పోయింది. ఈరోజు ఉదయం 10 గంటలకి ఆమె చివరి శ్వాస విడిచింది. ఆమె అతి చిన్న వయసు లోనే మరణించడం అందర్నీ బాధిస్తోంది. అనేక టీవీ షోస్ లో పలు చిత్రాల లో నటించిన ఉదయ భాను ఈ రోజు ఎంత గానో కుమిలి పోయింది. రాజితమ్మ మరణ వార్త ఆమెని విషాదానికి గురి చేసింది. ఈ మరణం పై ఆమె ఫేస్ బుక్ లో పోస్ట్ చేసింది. నల్గొండ లో ఫ్లోరైడ్ సమస్య ఎక్కువగా ఉంటుందని అందరికీ తెలిసినదే. అయితే ఈ జిల్లా లో ఉన్న ఖుదాబక్షు పల్లికి చెందినది రజిత.

రజిత అనే యువతి ఫ్లోరైడ్ బాధితురాలు. ఆమె ఈరోజు ఉదయం మరణించింది. ఈ మరణం పై ఉదయభాను ఇలా పోస్ట్ చేసింది. రజితమ్మ నాకు దేవుడిచ్చిన బంగారు చెల్లెల్లలో ఒకరు... తను ఇక లేదు. 24 ఏళ్లకే నిండు నూరేళ్లు నిండిపోయాయి... తిరిగి రాని లోకాలకి వెళ్లిపోయింది... ఈ ఉదయం 10 గంటలకు అస్తమించింది నా చిట్టి చెల్లి రజితమ్మ..... నిశ్శబ్దంగా సడి చప్పుడు లేకుండా తన ప్రశ్నలకి జవాబు దొరకకముందే వెళ్లిపోయింది. పొరపాటు పడకండి ఇది కరోనా మరణం కాదు...

గాలి నీరు నింగిని కల్మషం చేసిన కరుణ లేని కర్కశుల వల్ల కలిగిన మరణం... మానవ తప్పిదాలకు స్వార్ధానికి ప్రత్యక్ష సాక్షి ఈ రజితమ్మ. 2014 నిగ్గదీసి అడుగు కార్యక్రమం చేస్తున్నప్పుడు నల్గొండ జిల్లా మర్రిగూడెం మండలం ఖుదాబక్షుపల్లి లో నాకు ఈ చిట్టి తల్లితో విడదీయలేని బంధం ఏదో ముడిపడిపోయింది.

ఆ ఊరి పేరు ఖుదాబక్ష్, అంటే అర్ధం - దేవుడు రక్షించుగాక అని.. కానీ మానవుడి స్వార్ధం ముందు దేవుడు కూడా ఆ పల్లెను రక్షించలేకపోయాడు. ఆలా ఎన్ని ఊర్లో అక్కడ. ఫ్లోరైడ్ రక్కసి కోరల్లో చిక్కుకున్న నిస్సహాయులైన బిడ్డలెందరో.. కలుషిత నీటి రూపం లో ఫ్లోరైడ్ విషం తాగుతున్న బిడ్డలెందరో.. తాము చేయని తప్పుకు జీవితాంతం శిక్షను అనుభవిస్తున్న అసహాయులు ఎందరో.. అలాంటి బిడ్డే ఈ రజితమ్మ. తనని చూసి నా గుండె తరుక్కుపోయింది..

తనకు నా చేతనైంది చేయాలనీ సంకల్పించి తన కాళ్ళ మీద తాను నడవలేకపోయినా, తన జీవితం లో తలెత్తుకుని బ్రతకాలని ఓ చిన్ని ప్రయత్నం చేశాను. ఒక చిన్న కిరానా కొట్టు పెట్టించాను.. అప్పటినుంచి తన తుది శ్వాశ వరకు ఓటమి ఎరుగక ఎంత ముద్దుగా చక్కగా షాప్ ని నడుపుకుందో.. తను తన కుటుంబానికి భారం కాదు ఆసరా అయింది.. తన ఆత్మ విశ్వాసం ఎందరికో భరోసా నిచ్చింది.

ప్రతి పండక్కి తనకి కలిగిన ప్రతి సంతోషానికి నాకొక ఫోటో పంపేది.. షాప్ ముందు రంగురంగుల పెద్ద ముగ్గు వేసి, ముగ్గు మధ్యలో చిన్న గొబ్బెమ్మలా కూర్చుని.. అక్క హ్యాపీ సంక్రాంతి.. అక్క హ్యాపీ దసరా.. అక్క హ్యాపీ దీపావళి.. అక్క హ్యాపీ BIRTHDAY..అక్క పాపలకి ముద్దులు అంటూ అందరికంటే ముందు తను WISHES పంపేది.. ఇప్పుడిక ఆ WISHES రావు.. ఇక నా చిట్టి చెల్లి లేదు.. గుండెలవిసి పోయేలా ఏడ్చినా ఇక రాదు.. ఏ జన్మ బంధమో తన గుండె నిండా నా పైన ఎంత ప్రేమో..

మాటల్లో చెప్పలేని దుఃఖం కట్టలు తెంచుకుని వస్తుంది. ఖుదాభక్షపల్లి లో భూగర్భంలోకి నీరింకినట్టు నా కళ్ళలో నీళ్లింకిపోతున్నాయి..అక్క నేనెందుకు ఇలా అయ్యాను.. నా తప్పేంటి.. నాలా ఇంకెంతమంది.. ఇంకెంతకాలం ఇలా పుడతారు.. ఇలా తను సంధించిన ప్రశ్నలకి సమాధానం చెప్పేది ఎవ్వరు ? నా చిట్టి చెల్లి రజితమ్మ ఆత్మకు శాంతి కలగాలని మనసారా కోరుకుంటూ రజిత వాళ్ళ అక్క ఉదయ భాను . 

• డిల్లీ క్రైం .. ఇదొక వెబ్ సిరీస్.. 2012 లో
• ఇండియా లో తొలి టాకీ మూవీ ఆలం ఆరా..
• నందమూరి నటసింహం బాలక్రిష్ణ "గోన గన్నా రెడ్డి" పాత్రలో..
• స్తైలిష్ సినిమాలు ఆమెతోనే మొదలు! మార్లిన్ డెట్ రిచ్
• గోపీచంద్ కబడ్డీ కబడ్డీ
• సుశాంత్ మరణంతో బాలీవుడ్ ఇండస్ట్రీకి ఒక్క సారిగా షాక్...
• వరుడు ఎవరు అంటున్న హన్సిక
• అభిమానులతో శృతిహాసన్