తోక‌లేని పిట్ట‌కు సాంకేతిక సొబ‌గులు
త‌పాలాశాఖ చ‌రిత్ర‌.. ఆధునిక‌త‌

దానిని తోక‌లేని పిట్ట అని అంటారు... అది 90 ఆమ‌డ‌ల దూరం పోతుంద‌ట‌... ఈ మాట విన‌గానే ఆ కాలం నాటి వారికెవ‌రికైనా ఉత్త‌రం అని ఠ‌క్కున గుర్తుకువ‌స్తుంది. ఇంటి ముందు నుంచి పోస్ట్... అని గట్టిగా పిలుపు వినపడగానే ఏదో ఉత్తరం వచ్చిందనుకుని పరుగెత్తే దృశ్యాలు పాతకాలంలో కనిపించేవి. ఆ చిన్ని ఉత్తరం రాగానే ఇంటిల్లిపాది ఒకచోట చేరి దానిని చదివి ఎంతో ఆనందించేవారు. అదే పోస్టుకార్డు.... చిన్నగా ఉండే ఆ పోస్టు కార్డు ఎన్నో పెద్దపెద్ద విషయాలను మోసుకొచ్చేది. ఆ చిట్టి పోస్టుకార్డే కుటుంబాల మధ్య అనుబంధాన్ని పెంచేది. మనుషుల మధ్య బలమైన సంబంధాలను ఏర్పరిచే అంతటి ఘన కీర్తి కలిగిన ఆ పోస్టుకార్డుకు ప్రస్తుతం ఆదరణ లేదు. ఇప్పుడున్న డిజిటల్‌ యుగంలో పోస్టాఫీసులు ఎటువంటి సేవ‌లు అందిస్తున్నాయ‌నే వివ‌రాలు ఇప్పుడు తెలుసుకుందాం.