99 మంది సోద‌రుల‌ను చంపి, బౌద్ధాన్ని ప్ర‌చారం చేసిన‌ అశోకుడు.. క్రీస్తుపూర్వం 273 నుండి క్రీస్తుపూర్వం 232 వరకు మౌర్య సామ్రాజ్యాన్ని పరిపాలించిన గొప్ప చక్రవర్తి అశోకుడు. అనేక సైనిక దండయాత్రల అనంత‌రం అశోకుడు భార‌త‌దేశానికి పశ్చిమాన ఉన్న‌ ప్రస్తుత ఆఫ్ఘనిస్తాన్, పర్షియాకు చెందిన‌ పశ్చిమ ప్రాంతాల నుంచి తూర్పున బెంగాల్ మరియు అస్సాంల వరకు, దక్షిణాన మైసూరు వరకు, దాదాపు దక్షిణ ఆసియా మొత్తాన్ని పరిపాలించాడు. కళింగ యుద్ధం తరువాత శాంతి కాముకుడై బౌద్ధ మతాన్ని అవలంబించడంతోపాటు, బౌద్ధ మత వ్యాప్తికి విశేష కృషి చేశాడు. ఈయన పరిపాలనలో రాజ్యం చాలా సుభిక్షంగా ఉండేదని, ప్రజలు సుఖశాంతులతో వర్ధిల్లే వారని చరిత్ర చెపుతోంది.