అసలేంటి ఈ “మహిళా ఉద్యమ్ నిధి” ? “మహిళా ఉద్యమ్ నిధి” పధకం ద్వారా కేంద్రం, స్మాల్ స్కేల్ ఇండస్ట్రీ నిర్వహించాలనుకునే మహిళలకు 10 లక్షల వరకు ఆర్థిక సహకారం అందించనుంది. స్మాల్ ఇండస్ట్రియల్ డెవలప్‌మెంట్ బ్యాంక్ ఆఫ్ ఇండియా (SIDBI) ఈ పథకాన్ని అందిస్తోంది. ఈ పధకం కేవలం ఉమెన్ ఎంట్రప్రెన్యూర్లకు మాత్రమే వర్తిస్తుంది. అంటే వ్యాపారం చేయాలని భావించే మహిళలు ఈ పథకాన్ని వినియోగించుకోవచ్చు. ఇందులో భాగంగా బ్యాంకులు అర్హులైన మహిళలకు ఆకర్షణీయ వడ్డీ రేటుకే రుణాలు అందిస్తున్నాయి. ఉమెన్ ఎంటర్‌ప్రైజ్ ఫండ్ ద్వారా ఈ లోన్స్ పొందొచ్చు. అయితే ఇక్కడ మీరు గుర్తుపెట్టుకోవాలిసిన విషయం ఏమిటంటే ? మీరు తీసుకునే రుణాల వడ్డీ రేటును నిర్ణయించే అధికారం పూర్తిగా బ్యాంకులకే ఉంటుంది. ఇప్పటికే బిజినెస్ చేస్తున్న మహిళలు దాని కార్యకలాపాల విస్తరణకు కూడా రుణం తీసుకోవచ్చు. తీసుకున్న రుణాన్ని ఐదేళ్ల వరకు చెల్లించవలసిన అవసరం లేదు. ఈ ఐదేళ్లలో లోన్ రీపేమెంట్‌ కు మారటోరియం ఉంటుంది. ఆ తరువాత లోన్ తీసుకున్న పదేళ్లలోపు రుణం చెల్లిస్తే సరిపోతుంది. మార్కెట్ రేట్‌ని బట్టి వడ్డీ రేటును “స్మాల్ ఇండస్ట్రీస్ డెవలప్‌మెంట్ బ్యాంక్ ఆఫ్ ఇండియా” నిర్ణయిస్తుంది. తీసుకున్న లోన్‌పై ప్రతి ఏటా 1 శాతం సర్వీస్ ఛార్జీ చెల్లించాలి. రుణాలు తీసుకున్న సమయంలో ఎలాంటి సెక్యూరిటీ ఇవ్వాల్సిన అవసరం లేదు.