ఆమె మాట్లాడితే

అగ్రనేతలకు ముచ్చెమటలే!

ఎవ‌రీ ‌గ్రేటా థన్‌బర్గ్ ?

ఆమెకు నిండా 20 ఏళ్లు కూడా లేవు... అయితేనేం ఓ అంతర్జాతీయ వేదికపై తన వాక్చాతుర్యంతో ప్రపంచదేశాల అధినేతలకు ముచ్చెమటలు పట్టించారు. సాధార‌ణంగా ఎవ‌రైనా, ఏ దేశ అధ్య‌క్షుడి గురించి అయినా వ్యతిరేకంగా మాట్లాడే సాహ‌నం చేయ‌లేరు‌. కానీ ఆ యువ‌తి మాత్రం ఏకంగా 60 దేశాల అధినేతలను క‌డిగిపారేశారు. నాయకులంతా సంపాదన కోసమే పాకులాడుతున్నార‌ని, అదే మ‌న యువత భవిష్యత్తును, భవిష్యత్ తరాలను అంధకారంలోకి నెట్టేసిందని విరుచుకుపడ్డారు. యువ‌త జీవితాల‌తో ఆడుకునే హక్కు మీకెవరిచ్చారంటూ నేతలను నిలదీశారు. ఇంతకీ ఆ యువ‌తి ఎవరో తెలుసా? “గ్రేటా థన్‌బర్గ్”. 2019 లో అమెరికాలో జరిగిన వాతావరణ పరిరక్షణ సదస్సులో ప్రపంచ అగ్రనేతలను నిల‌దీసి వార్తల్లో నిలిచారు.