దేశంలో సంప్ర‌దాయ ఇంధన వనరుల వినియోగం రోజురోజుకు పెరుగుతుండడంతో ముడి చమరు ధరలు ఆకాశాన్ని తాకుతున్నాయి. పెట్రోల్, డీజిల్ వినియోగం విపరీతంగా పెరగడంతో కాలుష్యం కూడా నానాటికి పెరుగుతూ వస్తుంది. దేశంలో ఎక్కడా ముడిచమరు నిక్షేపాలు లేకపోవడంతో, భారత్ ఇతర దేశాలు పై అధికంగా ఆధారపడుతుంది. ఈ సమస్యకు పరిష్కారం దిశగా కేంద్రం అడుగులు వేస్తూ వస్తుంది. దీనిలో భాగంగా ప్రభుత్వ పెద్దలు పున‌రుత్పాద‌క ఇంధ‌న వ‌న‌రుల పై దృష్టిసారించారు. ముఖ్యంగా సంప్ర‌దాయ విద్యుత్ వాడ‌కాన్ని త‌గ్గించి సౌర‌, ప‌వ‌న్ విద్యుత్ త‌దిత‌ర కొత్త‌త‌రం ఇంధ‌న వ‌న‌రుల వాడ‌కానికి కేంద్రం ఆస‌క్తి చూపుతున్న‌ది. ఇప్పుడు అదే దిశ‌గా రైతుల‌ను సైతం మార్చేందుకు పూనుకుంది. దీనిలో బాగంగా కేంద్రం “కిసాన్‌ ఊర్జా సురక్షా ఏవమ్‌ ఉత్థాన్‌ మహాభియాన్‌” ప‌థ‌కాన్ని ప్రకటించింది. ఈ కుసుమ్ పధకం ద్వారా రైతుల్లో సౌర శ‌క్తి వాడ‌కాన్ని పెంచేందుకు అధికారులు క‌స‌ర‌త్తు చేస్తున్నారు..