అమెరికా, రష్యా, ఐరోపా దేశాల దోపిడీ విధానాన్ని వ్యతిరేకించి, స్వతంత్ర సంగ్రామమే తన చివరి శ్వాసగా, వందేమాతర నినాదంతో భారతీయుల నెత్తుటిని మరిగించిన ఏకైక వ్యక్తి నేతాజీ సుభాష్ చంద్రబోస్. గాంధీ-నెహ్రు వంటి నాయకులూ ఆహింస వాదాన్ని తలకెత్తుకున్న సమయంలో, సాయుధపోరాటమే భరతమాత భానిస సంకెళ్ళను త్యజించగలదని విశ్వసించిన పోరాటయోధుడు. శత్రువుకు వెన్ను చూపని ఈ వీరుడి మరణం మాత్రం ఇప్పటికి ఎవరికీ అర్ధం కానీ చిక్కు ముడిగానే మిగిలిపోయింది. 1945 ఆగస్టు 18న తైవాన్‌లో జరిగిన విమాన ప్రమాదంలో బోస్ చనిపోయారని కొంత మంది ప్రకటించగా, మరికొంత మంది ఆ ప్రమాదం నుంచి బోస్ ప్రాణాలతో బయటపడ్డారని బలంగా విశ్వసించారు. అసలు బోస్ మరణం వెనుక ఉన్న రహస్యం ఏమిటి ? ఒక వేళా బోస్ మరణించి ఉంటే వారిని హతమార్చింది ఎవరు ? అంతుపట్టని ఈ ప్రశ్నల వెనుక ఉన్న అసలు నిజాలను ఇప్పుడు తెలుసుకుందాం.